Azərbaycan, Bakı/ Trend müxbir Ü.İsmayılova/ MBASK sığorta şirkəti avtonəqliyyat vasitələrinin sahiblərinə məcburi sığorta növləri üzrə xidmət göstərən filiallarının sayını ixtisar edib.
MBASK şirkətinin baş direktoru Cəmil Məlikov bildirib ki, 2006-cı ildə şirkət fəaliyyətinin 95 faizi avtonəqliyyat vasitələri sahiblərinin məcburi sığortası olan 5 regional filialının (Şəki, Mingəçevir, İsmayıllı, İmişli və Şəmkir) fəaliyyətini dayandırıb.
"Bu növ sığorta şirkətə 50 manata başa gəlir, 10 manata satılır ki, bu da sərfəli deyil",-deyə o söyləyib.
İlin əvvəlində regional filiallarımız fəaliyyətlərini yenidən bərpa edib, lakin indi bu filiallar avtonəqliyyat vasitələri sahiblərinin məcburi sığortası üzrə xidmətlər göstərməyəcək.
"Burda yalnız bahalı sığorta növləri üzrə xidmətlər göstəriləcək ki, şirkətin büdcəsinə ziyan dəyməsin",-deyə o bildirib.
Məlikov qeyd edib ki, MBASK yeni texniki imkanların alınmasına 0,5 mln. dollar sərf edib.
1992-ci ildən Azərbaycanın sığorta bazarında fəaliyyət göstərən şirkət 29 sığorta növü üzrə xidmət göstərir ki, bunlardan da 4-ü məcburidir.
