Azərbaycan, Bakı /müx. Trend Ü.İsmayılova/ Azərbaycanın İpoteka Fondu (AİF) aprelin 25-dək ümumi məbləği 27,637 mln. manat olan 800 kredit verib. Bu barədə çərşənbə günü AİF-dən məlumat veriblər.
Bu kreditlərdən 608-ni (20,5 mln. manat) AİF-in özü maliyyələşdirib. Kreditlərin 70 faizi 33 yaşınadək olan gənc ailələrə verilib.
AİF 23 səlahiyyətli bank tərəfindən verilən kreditləri maliyyələşdirir. 2006-cı ildə dövlət büdcəsindən AİF üçün 26 mln. manat ayrılıb. Bu il büdcədən ayrılan vəsait isə 20 mln. manat təşkil edib.
