Azərbaycan,Bakı/müxbir Trend Ü.İsmayılova/ Azərbaycanın Sığortaçılar Assosiasiyası çərşənbə axşamı Ədliyyə Nazirliyində qeydiyyatdan keçib. Bu barədə cümə axşamı bu assosiasiyanın İdarə Heyətinin üzvü "MBASK" sığorta şirkətinin baş direktoru Cəmil Məlikov məlumat verib.
Qeydiyyata alınmanın uzadılmasının səbəbi Ədliyyə Nazirliyinə sığorta şirkətlərinin təsisçilərinin yaradılan struktura daxil olmasına razılığını təsdiq edən əlavə sənədlərin təqdim olunması ilə əlaqədar olub. Birliyə ölkədə fəaliyyət göstərən şirkətlərin təxminən hamısının daxil olduğu üçün məlumatlandırma və bütün təsisçilərdən razılığın əldə olunması üçün vaxt tələb olunurdu.
Məlikov qeyd edib ki, yaxın zamanlarda Sığortaçılar Assosiasiyasının konfransının keçirilməsi gözlənilir. Konfransda İdarə Heyətinə daxil olan beş şirkət arasında (BSŞ, Azersigorta, Atesgah, Standart Insurance, MBASK ) Assosiasiyanın prezidenti seçiləcək.
"Assosiasiyanın prezidenti hər il dəyişəcək və İdarə Heyətinin beş üzvü arasında seçiləcək" - deyə o bildirib.
Assosiasiyanın büdcəsi icbari və ümumi haqların hesabına formalaşdırılacaq. O, bərabər bölünəcək, bir hissəsi şirkətlər arasında eyni bölünmüş icbari haqlar hesabına formalaşdırılacaq.
Büdcənin əlavə tədbirlərin təşkili üçün nəzərdə tutulan ikinci hissəsi mütəmadi və ümumi haqlar hesabına qismən formalaşdırılacaq. Haqlar sığortaçıların qərarına əsasən ödəniləcək.
