Azərbaycan, Bakı/ Trend müxbir İ.Xəlilova/ Mayın sonuna qədər Azərbaycan, Gürcüstan və Qazaxıstan nəqliyyat nazirlikləri bütün növ yüklərə görə tarif siyasətinin razılaşdırılması üzrə Tiflisdə növbəti görüş keçirəcəklər. Bu barədə çərşənbə günü Azərbaycan nəqliyyat nazirinin müavini Musa Pənahov məlumat verib.
Astanada keçirilmiş ötən görüşün nəticələrinə əsasən, mayın əvvəlində nəqliyyat siyasəti, tarif və nəqliyyat dəhlizinin inkişafı üzrə razılaşdırılmış siyasət yeridilməsi barədə protokol imzalanıb.
Görüşün Qazaxıstanın təşəbbüsü ilə təşkil olunması və bu sənədin imzalanması onu göstərir Qazaxıstan tərəfinin Qara dəniz limanlarına yükün Azərbaycan və Gürcüstan ərazisindən, dəmir yolu ilə isə Bakı-Tiflis-Qars marşrutu ilə Türkiyəyə daşınmasında maraqlıdır.
Pənahovun sözlərinə görə, daşımaların tariflərinə baxılması bu marşrut üzrə yükdaşımaların artması üzrə görülən tədbirlərdən biridir. "Bu çox incə məsələdir, buna görə də müzakirələr davam edir. Hər bir ölkə daşımalardan qazanmaq istəyir. Eyni zamanda bu, yüklərin itirilməsinə səbəb ola bilər", - deyə nazir müavini hesab edir. O hesab edir ki, hazırda mal göndərən və tranziti həyata keçirən ölkələrin tarifləri fərqlidir, buna görə də konkret rəqəmlər haqqında danışmaq çətindir.
