Azərbaycan, Bakı/ Trend müxbir İ.Xəlilova/ 2007-ci ildə Azərbaycan Dövlət Neft Fondunda büdcə düzəlişlərinə baxmayaraq, ili profisitlə başa vurmaq planlaşdırılır. Bunu çərşənbə axşamı ARDNF-in icraçı direktoru Şahmar Mövsümov söyləyib.
2006-cı ilin dekabrında ARDNF-in 2007-ci il üçün təsdiq olunmuş büdcəsinə əsasən, gəlirlər 1555,7 mln. manat, xərclər 977,1 mln. manat müəyyənləşdirilib. Büdcə düzəlişlərindən sonra gəlirlər dəyişməz qalıb.
Neft Fondunun əlavə xərcləri Bakı-Tiflis-Qars dəmir yolu xəttinin Gürcüstan hissəsinin tikintisinin maliyyələşdirilməsi hesabına yaranacaq. Yolun Marabda-Axalkalaki hissəsinin yenidən qurulmasına və Axalkalakidən Türkiyə sərhədinə yolun çəkilməsinə Dövlət Neft Fonduna 200 mln. dollar ayrılacaq. Bu il fonddan 50 mln. manat ayrılacaq.
Bununla yanaşı, ARDNŞ-lə münasibətlərin tənzimlənməsi məqsədilə Azərbaycan prezidentinin sərancamına uyğun olaraq Fonddan Dövlət Neft Şirkətinin hesabına 88,5 mln. manat (102 mln. dollar) köçürüləcək.
Hazırda ARDNF-in aktivləri 1,8 mlrd. manat təşkil edir, ilin sonuna isə onların 2 mlrd. manata qədər artacağı gözlənilir.