Azərbaycan, Bakı/ Trend müxbir İ.Xəlilova/Azərbaycanın bank sistemində kapitallaşmanın aşağı olması səbəbindən Bank Austria Creditanstalt (UniCredit Group üzvü) Azərbaycanda kredit portfelini artıra bilmir. Bunu Bankın meneceri Ryszard Golec bildirib. Bununla əlaqədar Bank Austria-nın Azərbaycan üzrə portfeli 30 mln. avro təşkil edir (ABB-yə sindikatladırılmış kredit təqdim olunması haqda 13 iyun sazişi nəzərə alınmaqla).
Kredit ehtiyatlarının əsas hissəsi Azərbayacan Beynəlxalq Bankı, bir hissəsi isə "Azərdəmiryolbank" və UniBank-ın payına düşür.
"Aydındır ki, Azərbaycanın iqtisadiyyatı yaxşı templə inkişaf edir, banklar inkişaf edir, amma kapitallaşma aşağı həcmdə qalır. Biz bankların kapitalının 10-15 faizi qədər maliyyələşdirmə həyata keçirə bilərik, amma onların kapitallaşması onlar üçün kredit xətlərinin hazırlanmasına imkan vermir", - deyə Bank Austria Creditanstalt meneceri söyləyib.