...

Lüksemburqun qabaqcıl maliyyə texnologiyaları Agentliyi Azərbaycanın bank sistemi üçün ikinci seminarı keçirir

Biznes və iqtisadiyyat xəbərləri Materials 27 İyun 2007 15:36 (UTC +04:00)

Azərbaycan, Bakı/ Trend müxbir İ.Xəlilova/ Azərbaycanın Milli Bankında bank sistemi və digər maliyyə qurumları üçün təşkil olunmuş "Kapital bazarları" seminarı keçirilir. Bu barədə çərşənbə günü AMB-dən məlumat verilib.

Tədbir Avropanın özəl Edmond de Rothschild Europe Belçika bankının baş portfel meneceri Filip Maklote tərəfindən keçirilir.

Seminarda 2006-cı ildə Azərbaycan Milli Bankı ilə Lüksemburqun qabaqcıl maliyyə texnologiyaları Agentliyi arasında müxtəlif sahələrdə texniki yardım göstərilməsi və əməkdaşlıq məsələləri üzrə aparılmış danışıqların nəticələri müzakirə olunur.

Bu Agentlik Azərbaycan Milli Bankını rəsmi tərəfdaş seçib və 2007-ci ildə "Çirkli pulların yuyulmasının əks-təsirləri", "Kapital bazarları", "Avropanın monetar sistemi", "Menecment riskləri", "Bazel-II" mövzularında beş seminarın keçirilməsini planlaşdırır.

Birinci seminar ("Çirkli pulların yuyulmasının əks-təsirləri") Milli Bankın və kommersiya bankalarının 50-yə qədər nümayəndəsinin iştirakı ilə mayın 30-dan iyunun 1-nə qədər keçirilib. Seminar Agentliyin eksperti, professor Rocer Klaessens tərəfindən keçirilib.

Xəbər lenti

Xəbər lenti