Azərbaycan, Bakı/ Trend S.Əliyev/ "Marabda-Kartsaxi dəmir yol" MMC Marabda-Axalkalaki dəmir yolu hissəsinin yenidənqurulması və tikilməsi işçi layihəsinin hazırlanması üçün ilkin qiymətləndirmə tenderi elan edib. Bu barədə çərşənbə günü Azərbaycanın Nazirlər Kabinetindən məlumat verilib.
Bu yol Bakı-Tiflis-Ceyhan marşrutu üzrə dəmir yolu layihəsinin bir hissəsidir. Daha öncə ilkin layihə hazırlanmışdı. Hökumətdən bildiriblər ki, tender son nəticədə illik buraxılış gücü 15 mln. ton olacaq 153 km uzunluğunda yolun tikintisi, bərpası və yenidənqurulmasının həyata keçirilməsi üçün konkret iş layihəsini nəzərdə tutur.
Yol üç lota bölünür: Marabda-Tetritskaro ( 29,2 km), Tetritskaro-Tsalka ( 49,7 km) və Tsalka-Axalkalaki ( 74,1 km). Tikinti müddəti - 2008-2010-ci illər. Birinci mərhələ üzrə işçi layihəsi müqavilə rəsmiləşdirildikdən sonra üç ay müddətində, iknci mərhələ üzrə 2008-ci il martın 1-nə qədər, üçüncü mərhələ üzrə isə iyulun 1-nə qədər təqdim olunmalıdır.
Tender sənədlərini namizədlər cari ilin 30 avqustuna qədər ala biləcək. Tenderin ikinci mərhələsinə yalnız ilkin qiymətləndirmə keçən namizədlər buraxılacaq.
2007-ci ilin sonuna qədər Azərbaycan Dövlət Neft Fondu (ARDNF) dəmir yolunun tikintisi üçün Gürcüstana veriləcək kreditin birinci tranşı kimi 40 mln. dollar köçürməyi planlaşdırır. Kreditin ümumi məbləği 200 mln. dollar təşkil edir. Kredit 1 faiz dərəcəsi ilə 25 il müddətə ayrılıb.
Bu layihə üzrə tikinti işlərinin bu il başlanılması nəzərdə tutulur. Hökumətin müvəkkil bankı qismində Azərbaycan Beynəlxalq Bankı seçilib.
Prezidentin sərəncamına əsasən Tiflis-Qars dəmir yolunun çəkilməsi çərçivəsində nəqliyyat naziri Ziya Məmmədovun başçılığı ilə Dövlət Komissiyası yaradılıb. Komissiyanın tərkibinə Maliyyə, Xarici Işlər, İqtisadi İnkişaf nazirliklərinin nümayəndələri, ARDNF, Dəmir Yolunun və ABB-nin rəhbəri daxildir. Azərbaycan tərəfdən layihənin koordinatoru kimi Nəqliyyat Nazirliyi təyin olunub.
Bakı-Tiflis-Qars dəmiryolu layihəsi dəhlizinin tikintisinə ilkin olaraq 442 mln. dollar nəzərdə tutulub ki, bunun da 202 mln. dolları magistralın Gürcüstan hissəsi, 220 mln. dolları isə Türkiyə hissəsi üçün ayrılır.
