Azərbaycan, Bakı/ Trend / Qiymətli Kağızlar üzrə Dövlət Komitəsi tərəfindən "Azerigazbank" ASC-nin adi adlı sənədsiz səhmlərinin emissiya prospekti qeydə alınıb. Bu barədə çərşənbə günü Bakı Fond Birjasının yaydığı məlumatda göstərilib. Emissiyanın həcmi 2 mln. AZN, bir səhmin nominal dəyəri 2 AZN təşkil edir.
Emissiya prospektinə əsasən, yerləşdirmə kütləvi təklif üsulu ilə Bakı Fond Birjası vasitəsi ilə keçiriləcək. Səhmlərin yerləşdirilməsində anderrayter vəzifəsində "Azerigazbank" ASC çıxış edəcək.