Azərbaycan, Bakı / Trend , müxbir U.İsmayılova/Azərbaycanın "Era-trans" sığorta şirkəti avtokredit sığortasını tətbiq etməyə başlayıb. Bu barədə çərşənbə axşamı şirkətin satış departamentinin rəhbəri İsmayıl Məhərrəmov məlumat verib.
"Sığortanın bu forması yeni deyil. Biz onu banklar tərəfindən tələbat yarandığına görə, indi tətbiq etməyə başladıq" - deyə Məhərrəmov vurğulayıb.
Departament rəhbərinin sözlərinə görə, Şirkət hazırkı şəkildə yalnız bir bankla işləyir. Hal-hazırda şirkət 10-a yaxın müqavilə imzalayıb.
"Avtokredit sığortası ilə banklar müştərilərin ödəmədən yayınması ilə bağlı mümkün risklərdən sığortalanır" - deyə Məhərrəmov əlavə edib.
1994-cü ildən fəaliyyət göstərən "Era-trans" 26 formada xidmət təklif edir. Onlardan dördü vacibdir. Şirkətin nizamnamə kapitalı - 1,7 mln. manat təşkil edir.