...

Azərbaycan BMT-nin üzv dövlətlərinə mədən sənayesində şəffaflıq təşəbbüsünü dəstəkləməyi təklif edib

Energetika Materials 7 Dekabr 2007 16:11 (UTC +04:00)

Azərbaycan, Bakı / " Trend ", müxbir K.Ramazanova/ Azərbaycan BMT-nin üzv dövlətlərinə mədən sənayesində şəffaflığın artırılması təşəbbüsünü (EİTİ) dəstəkləməyi təklif edib. Azərbaycanın xarici işlər nazirinin müavini Mahmud Məmmədquliyev, Azərbaycanın Dövlət Neft Fondunun hazırda Nyu-Yorkda olan icraçı direktoru Şahmar Mövsümov BMT-nin bir neçə üzv dövlətlərinin nümayəndələri ilə birlikdə EİTİ-ni müzakirə ediblər.

Azərbaycanın BMT-dəki səfiri Aqşin Mehdiyevin cümə günü elektron poçtu ilə Nyu-Yorkdan verdiyi məlumata görə, Azərbaycandan olan nümayəndə heyəti ABŞ, Peru, Boliviya, Çin, Rusiya, Pakistanın BMT-dəki daimi nümayəndələri ilə bu məsələni müzakirə edib.

Azərbaycan BMT-nin Baş Assambleyasında mədən sənayesində şəffaflığın artırılması təşəbbüsünü təklif edib. Bakı Təşkilatın Təşəbbüsü dəstəkləməsini istəyir və bu məqsədlə Baş Assambleyanın xüsusi Qətnaməsini dəstəkləməyi təklif edir. Təbii ehtiyatların istismarından əldə olunan gəlir üzərində nəzarət mexanizmi 2002-ci ildə Böyük Britaniyanın təşəbbüsü ilə yaradılıb. EİTİ təşəbbüsü 2002- ci ilin sentyabrında Yohannesburqda keçirilən sammitdə irəli sürülüb. Layihənin məqsədi ölkələrin mədən sənayesində xərclərin və gəlirlərinin şəffaflığının artırılmasıdır. Layihənin əsas ideyası hasilat sənayesində çalışan şirkətlərin onların xəzinəyə ödənişlərini ətraflı əks etdirən bəyannaməni doldurmasından ibarətdir. Öz növbəsində, ərazisində resursların hasil edildiyi dövlətlər analoji bəyannaməni doldururlar və bu, onların məlumatlarını şirkətin məlumatları ilə tutuşdurmağa imkan verir.

Xəbər lenti

Xəbər lenti