Gürcüstan, Tbilisi, 10 yanvar/ Trend , müxbir N.Kirtsxaliya, S.Əliyev/ Azərbaycan Dövlət Neft Şirkətinin törəmə şirkəti SOCAR Georgia bu il ərzində Tbilisi yaxınlığında neft məhslullarının saxlanılması üçün böyük baza tikmək niyyətindədir. Bu barədə cümə axşamı "SOCAR Georgia"-nın rəhbəri Mahir Məmmədov məlumat verib. Bu layihənin dəyəri təxminən 6 mln. dollar qiymətləndirilir.
Neft bazası Tbilisi Beynəlxalq Hava limanının yaxınlığında, Kiziki küçəsində tikiləcək. Ötən il şirkət tikinti işlərinin aparılması üçün 3 mln. dollara 5 ha topraq sahəsi alıb. Yeni obyektin çənləri 17 min tonadək neft məhsulları, o cümlədən, gürcü bazarında reallaşdırılacaq mayeləşdirilmiş qaz saxlaya biləcək.
Bu bazada müxtəlif növ benzin növləri, kerosin, bitum, mayeləşdirilmiş qaz və mazut saxlanılacaq. Bazanın sahəsi təxminən 5 ha olacaq. Tikintini bu ilin sonunadək başa çatdırmaq planlaşdırılır.
Azərbaycan Dövlət Neft Şirkəti SOCAR Georgia şirkətində 51% pay iştirakına malikdir. Şirkətin Gürcüstanda 19 avtomobil yanacaqdoldurma məntəqəsi var. Bu yanacaqdoldruma məntəqələrinin sırasına hazırda mövcud olan və tikilməkdə olan məntəqələr daxildir. Əvvəllər Şirkət beş yanacaqdoldurma məntəqəsi alıb.
