Azərbaycan, Bakı, 19 may / Trend / Azərbaycanda 2008-ci ilin yanvar-aprel aylarında 15,8 mln. ton neft və kondensant hasil olunub, bu isə 2007-ci ilin anoloji dövr göstəricisi ilə müqayisədə 14,1 faiz çoxdur. Bu haqda Azərbaycanın Dövlət Statistika Komitəsindən məlumat verilib.
Yanvar-aprel aylarında hasil olan neftin əsas həcmi "Azəri-Çıraq-Günəşli" dəniz bloku yataqlarından 12,9 mln. ton neft hasil edən Azərbaycan Beynəlxalq Əməliyyat Şirkətinin payına düşüb.
Azərbaycanda yanvar-aprel aylarında qaz hasilatı 5,2 mlrd. kub metr təşkil edib, bu isə 2007-ci ilin yanvar-aprel ayları ilə müqayisədə 79,8 faiz çoxdur. Azərbaycan Beynəlxalq Əməliyyat Şirkətinin payına 2,8 mlrd. kub metr qaz düşüb.
Azərbaycanda yanvar-aprel ayları ərzində 7,6 mlrd kV/s elektrik enerjisi istehsal olunub, bu isə, 2007-ci ilin anoloji dövr göstəricisinə nisbətən 5,1 faiz azdır.
