Türkiyə, Ankara, 04 iyun / Trend , müxbir T.Əliyev/ Türkiyənin "Turkas" şirkətinin icraçı direktoru Erdal Aksoy hesab edir ki, Azərbaycan Dövlət Neft Şirkətinin (ARDNŞ) Ceyhanda ildə 10-15 milyon ton neft emalı gücündə şəxsi NEZ-nin tikilməsi neft məhsullarını Türkiyə, İran, İraq, Suriyaya satmağa imkan verəcək.
Ceyhanda NEZ tikintisini Azərbaycan-Türkiyə SOCAR-Turkas əməkdaşlıq müəssisəsi apara bilər.
"ARDNŞ neft məhsullarını Aralıq dənizi ölkələri, hətta Amerikaya sata bilər. Ceyhanda NEZ tikintisi - uğurlu layihədir", - deyə Aksoy Trend -ın Türkiyədəki xüsusi müxbirinə bildirib.
ARDNŞ və "Turkas" Alyansının iştirakı ilə SOCAR/Turcas Petrol/Injaz Projects ötən həftə 2,04 mlrd. dollara Türkiyənin Petkim neft kimyası holdinqinin 51 səhmni alıb.
SOCAR/Turcas/Injaz holdinqin 51 faizlik səhm paketini $2,04 mlrd-a alıb.
SOCAR/Turcas/Injaz-ın "Petkim" istehsalat imkanlarının müasirləşdirilməsinə sərmayələri bu müəssisənin Türkiyə bazarındakı rolunu hazırki 27 faizdən 40 faizədək artıracaq. Hazırda Türkiyə lazımi kimya məhsullarının 70-75 faizini idxal edir. SOCAR/Turcas/Injaz-ın "Petkim"-in inkişafına yönələn sərmayələri məhsul idxalını 30 faizədək azaltmağa imkan verəcək. Hər il Türkiyə bazarında kimya məhsullarına olan təlabat 12 faizədək artır.
"Petkim" plastik qablaşdırmalar, parçalar, PVC, yuyucu vasitələr istehsal edir və Türkiyədə belə məhsulların yeganə istehsalçısıdır. Şirkət məhsullarının dörddə birini ixrac edir.
"Neft kimyası zavodu Türkiyə ərazisinin yarısına xidmət göstərəcək. ARDNŞ və "Turkas" əməkdaşlığı bu müəssisəyə daha böyük üstünlük verir", - Aksoy hesab edir.
"Turkas"-ın icraçı direktorunun fikrinə görə, Bakı-Tbilisi- Qars (Azərbaycan-Gürcüstan-Türkiyə) dəmir yolunun tikintisi Azərbaycan və Türkiyə məhsullarının Avropa bazarına çıxarılmasının səmərəliliyini artıracaq.
"Dəmir yolu [Bakı-Tbilisi-Qars] layihəsinin reallaşdırılmasından sonra Azərbaycanın Türkiyə və Avropa bazarına çıxışı daha asan olacaq", - deyə Aksoy bildirib.
Müəlliflə əlaqə saxlamaq üçün elktron ünvan: [email protected]