...

"Qazprom"-un Azərbaycandan qaz almaq istəyi Avropa üçün qaz vəsaitlərinin kifayət qədər olmaması ilə əlaqədar ola bilər - ABŞ Dövlət Departamenti

Energetika Materials 4 İyun 2008 17:18 (UTC +04:00)

Azərbaycan, Bakı, 04 iyun / Trend , müxbir E.İsmayılov/ Rusiya "Qazprom" qaz inhisarçısının Azərbaycandan qaz əldə etmək istəyi, şirkətin şəxsi boru kəməri sistemlərivasitəsilə qazı Avropa ölkələrinə tədarük etmək niyyətilə əlaqədar ola bilər. Bu haqda Avropa və Avrasiya məsələləri üzrə ABŞ Dövlət katibi müavininin köməkçisi Metyu Brayza çərşənbə günü Bakıda 15-ci "Neft və Qaz, Neft emalı və Neft kimyası" beynəlxalq yubiley konfransında bildirib.

"Ola bilsin ki, Avropa ölkələrinə qaz tədarükü üzrə bütün müqavilələri yerinə yetirmək üçün "Qazprom"un lazımi həcmdə qazı yoxdur. Bu mümkündür... Hazırda Rusiyada qaz istehsalı, bütün müqavilələri yerinə yetirmək səviyyəsində deyil. Bəlkə ona görə "Qazprom" buradadır", - deyə Brayza bildirib.

Rusiya şirkəti Azərbaycana uzunmüddətli müqavilə əsasında, bazar qiyməti üzrə qaz almağı təklif edib. Rusiyaya qaz tədarükü yalnız "Şahdəniz" qaz - kondensant yatağının ikinci hasilat mərhələsindən - 2012-ci ildən sonra - reallaşdırıla bilər.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti