Azərbaycan, Bakı, 21 iyul/ Trend Cap / 2008 - ci ildə Türkiyə 5 mlrd. Azərbaycan qazı idxal edəcək. Bu barədə ölkənin Botas Dövlət Şirkətinin ixrac -idxal qaz əməliyyatları üzrə yenilənmiş proqnozunda bildirilir. 2009 - cu ildən 2020 - ci ilədək Azərbaycan Türkiyəyə hər il 6,6 mlrd. kubmetr qaz ixrac edəcək.
Türkiyə 2008 -ci ildən 2009 - cu ilədək 96,3 mlrd. kubmetr qaz idxal edəcək. 2010 - cu ildə bu göstərici ildə təqribən 52 mlrd. kubmetr, 2015 və 2020-ci illərdə hər il təqribən 41,5 mlrd. kubmetr olacaq.
2008-ci ildə Türkiyə müxtəlif mənbələrdən (Azərbaycan, Rusiya, İran, Anqola və Nigeriya) 46,3 mlrd. kubmetr həcmində təbii qaz idxal edəcək. Bu həcmdən Rusiyanın payına 26 mlrd. kubmetr, İran - 9,6 mlrd. kubmetr, Azərbaycanın payına isə, 5 mlrd. kubmetr düşür. Anqola və Nigeriya 2008 - ci ildə Türkiyəyə, müvafiq olaraq, 4,4 mlrd. kubmetrdən və 1,3 mlrd. kubmetrdən çox həcmdə qaz tədarük edəcəklər.
2009 - cu ildə Türkiyəyə təbii qaz tədarükünün ümumi həcmi təqribən 50 mlrd. kubmetr təşkil edəcək və bunun 28 mlrd. kubmetrini Rusiya tədarük edəcək. İran 2009 - cu ildə 9,6 mlrd. kubmetr, Azərbaycan - 6,6 mlrd. kubmetr, Anqola - 4,4 mlrd. kubmetrdən çox, Nigeriya isə, 1,3 mlrd. kubmetrdən çox qaz tədarük edəcək.
2010 - cu ildə Türkiyənin idxal edəcəyi qazın həcmi təqribən 52 mlrd. kubmetr olacaq. Rusiya 30 mlrd. kubmetr tədarük edəcək, İran, Azərbaycan, Anqola və Nigeriyanın tədarük həcmləri isə 2009 - cu ildəki kimi olacaq.
2015 - 2020 - ci illərdə Türkiyə təqribən 41,5 mlrd. kubmetr qaz idxal edəcək. Rusiyadan 24 mlrd, İrandan - 9,6 mlrd., Azərbaycandan 6,6 mlrd. qaz tədarük ediləcək. Bu dövrdə Anqola qaz tədarükünü dayandıracaq, Nigeriyadan isə, 1,3 mlrd. kubmetrdən çox qaz tədarük ediləcək.
