Azərbaycan, Bakı, 23 iyul/ Trend , müxbir S.Əliyev/ Azərbaycanın Dövlət Neft Şirkəti özünün SOCAR Georgia müəssisəsi vasitəsilə üç il ərzində Gürcüstanın onun idarəsinə verilmiş 30 qaypaylayıcı şəbəkəsində abunəçilərin sayını 250 min nəfər də artırmaq niyyətindədir. Bu barədə çərşənbə günü SOCAR Georgia şirkətinin rəhbəri Mahir Məmmədov məlumat verib. Bunun nəticəsində bu şəbəkələrdə qaz istehlakı həcmi hazırki 45 mln. kubmetrdən ildə 350 mln. kubmetrədək (Gürcütanın hazırki tələbatının 18 -20 faizi) artacaq.
Hazırda şəbəkələrin verilməsi məsələsi SOCAR Georgia və İqtisadi İnkişaf Nazirliyi arasında müzakirə mərhələsindədir. Şəbəkələrin inkişafı üçün Azərbaycanın Dövlət Neft Şirkəti təqribən $40 mln. sərmayə yatırmaq niyyətindədir; daha $9 mln. Tbilisi istisna olmaqla, Gürcüstanın, demək olar ki, bütün ərazisini əhatə edən mövcud şəbəkələrin bərpası üçün lazımdır. ARDNŞ-in, işlədiyi yataqlardan hasil etdiyi şəxsi qazı var.
SOCAR Georgia-nın rəhbəri bildirib ki, şirkətə verilən şəbəkələrdə satılan qazın tarifləri yenidən tənzimlənəcək ki, bu da səmərəli kommersiya fəaliyyətinə imkan verəcək. Azərbaycanın Dövlət Neft Şirkəti hazırda Gürcüstanın azərbayncalıların sıx yaşadığı Marneuli rayonunun "Marneuliqaz" paylayıcı şəbəkəsinin idarəyə alınmasına dair danışıqlar aparır. "Gürcüstanın bu məsələdə mövqeyi kifayət qədər konstruktivdir", - Məmmədov bildirib.
2008-ci ilin sonunadək Azərbaycan Gürcüstana təqriən 600 mln. kubmetr - sutkada 1,3 -1,5 mln. kubmetr qaz tədarük edəcək. Qaz Azərbaycan Dövlət Neft Şirkətinin şəxsi yataqlarından hasil edilir.
Dövlət Neft Şirkəti Qara dəniz sahilində, Kulevidə neft terminalının tikintisi də daxil olmaqla, Gürcüstanda investisiya infrastruktur layihələrinə malikdir və özünün pərakəndə neft məhsulları şəbəkəsini yaradır.
Bundan əlavə, xarici şirkətlər Konsorsiumunun işlədiyi Azərbaycanın "Şahdəniz" qaz-kondensat yatağından Gürcüstana sutkada təqribən 1 mln. kubmetr qaz tədarük edilir.
Müəlliflə əlaqə saxlamaq üçün elektron ünvan: [email protected]