Azərbaycan, Bakı, 04 avqust/ Trend , müxbir E.İsmayılov/ Azərbaycan Dövlət Neft Şirkətinin balansında olan Heydər Əliyev adına Bakı Neft Emalı Zavodu (BNEZ) avqustun sonuna sentyabrın əvvəlinədək aviasiya kerosini və dizel yanacağının süzülməsi üzrə Güzdəkdə yerləşən yeni estakadanı istismara verəcək, - BNEZ-dən bildiriblər.
"Tikinti üzrə işlər başa çatmaq üzrədir. Bəzi tamamlanmamış işlər qalıb, yəqin ki, bu ayın sonuna və ya növbəti ayın əvvəlinədək işlər tamamilə başa çatdırılacaq", - BNEZ-dən deyiblər.
Yeni estakada eyni vaxtda 72 sisternin süzülməsinə hesablanıb.
BNEZ ildə gücü bir milyon ton olan dizel yanacağının yuyulması üzrə yeni qovşağı da istismara verib.
Yuyulma üsulu ilə dizel yanacağının təmizlənməsi, qələvi tullantılarından ikinci dəfə istifadə etməklə, kaustik soda sərfiyyatını azaltmağa imkan verəcək.
Duru neft məhsullarının istehsalının və keyfiyyətinin yaxşılaşdırılması məqsədilə BNEZ-də mazut resurslarından və yenidən bərpa edilmiş katalitik krekinq su təmizləyici qurğu Q-43-107M-dən istifadə edilir ki, bu da emala ikinci dərəcəli məhsulların cəlb edilməsinə imkan verir.
