Azərbaycan, Bakı, 09 sentyabr / Trend , müxbir E.İsmayılov/ "Azərbaycan Dövlət Neft Şirkəti (ARDNŞ) Türkiyədə yeni infrastrukturun tikintisi üzrə layihələrin prioritetini dəyişə bilər", - çərşənbə axaşmı ARDNŞ-nin yüksək vəzifəli nümayəndəsi deyib.
ARDNŞ Azərbaycan neftinin Bakı-Tbilisi-Ceyhan boru kəməri vasitəsilə çatdırıldığı Türkiyənin Ceyhan limanında neft emalı zavodu (NEZ) tikmək niyyətində olub. Lakin Türkiyənin neft-kimya holdinqi "Petkim" tərəfadşları ilə birgə onun nəzarət paketini aldıqdan sonra, bu müəssisənin xammal ilə təmin edilməsi məsələsi nəzərdən keçirilir. O, Ceyhandakı zavoddan tez tikilə bilər.
Hazırda ARDNŞ İzmir şəhəri yaxınlığında 8-10 mln. ton gücə malik neft emalı zavodunun tikintisi üzrə tədqiqata başlayıb.
ARDNŞ nümayəndəsinin dediyinə görə, neft-kimya holdinqi "Petkim"ə perspektivdə $2 milyard qoyulacaq. Hazırda sərmayə proqramının hazırlanması gedir.
Socar/Turcas Petrol/Injaz Projects şirkətlər Alyansı neft-kimya holdinqi "Petkim"ə $2,04 milyard təklif edərək, səhmlərinin 51 faizinin satışı üzrə tenderin qalibi olub.
İndi Türkiyə zəruri neft-kimya məhsulunun 70-75 faizini idxal edir, SOCAR/Turcas/Injaz-ın Petkim-in inkişafına qoyduğu sərmayələr isə, məhsulun idxalını 30 faiz azaltmağa imkan verəcək. Türkiyə bazarında kimya məhsullarına illik tələbat 12 faiz təşkil edir.
SOCAR/Turcas/Injaz Alyansı Türkiyədə "Petkim"in zavodları yaxınlığında kimya müəssisələrinin xammal ilə təminatı üçün NEZ tikmək niyyətindədir.
"Petkim Petrokimya Holding" plastik qablar, parça, polivinilxlorid, yuyucu vasitələr istehsal etməklə, məhsulun dörddə birini ixrac edən, Türkiyədə bu növ məhsulun yeganə istehsalçısıdır.