Azərbaycan, Bakı, 15 sentyabr / Trend / Amerikanın "RP Consulting, Inc" şirkəti Azərbaycan Dövlət Neft Şirəktinə Azərbaycanın (ARDNŞ) Stokholm Konvensiyasının öhdəliklərini yerinə yetirməsi üçün öz məsləhətçi xidmətini təklif edib. Bu barədə ARDNŞ -nin Ekologiya İdarəsindən məlumat verilib.
Azərbaycan bu sazişə 2000 - ci ildə qoşulub. Stokholm Konvensiyasına əsasən, dövlətlər daimi üzvi çirkləndiricilərdən istifadə və onların yayılmasının qarşısnın alınması barədə öhdəlik götürüblər. Daimi üzvi çirkləndiricilərin ən təhlükəlilərindən biri polixlorbifenil (PXB) hesab olunur. PXB elektrik transformatorları və kondensatlarında istifadə olunan yağların tərkibinə daxildir.
"RP Consulting, Inc" şirkətinin nümayəndələri ARDNŞ - nin müəssisələrində istifadə olunan yağların tərkibinə daxil olan PXB - dan faydalanmaq üzrə layihə həyata keçirmək niyyətində olduqlarını qeyd ediblər.
Artıq ARDNŞ tərəfindən bu maddələrin inventarlaşdırılmasın başlanıb. Avadanlıqlardan istifadə qaydaları və PXB - dan istifadə üsulları qaydalarının hazırlanması prosesinə də start verilib.
Görüşün yekunu üzrə ARDNŞ və "RP Consulting, Inc" nümayəndələri bu istiqamətdə layihələrin həyata keçirilməsi və əməkdaşlığın davam etdirilməsi üçün qarşılıqlı razılığa gəliblər.