...

Hasilat sənayesində şəffaflıq üzrə Koalisiya şirkətlərdən fəaliyyətləri ilə bağlı tam hesabatın təqdim edilməsini tələb edir

Energetika Materials 19 Sentyabr 2008 18:40

Trend-i buradan izləyin

Azərbaycan, Bakı, 19 sentyabr/ Trend , müxbir E.İsmayılov/"Azərbaycanın neft - qaz sektorunda işləyən xarici şirkətlərin fəaliyyətləri ilə bağlı hesabatların təqdim edilməsi üzrə danışıqlar zərurudir", - cümə günü EİTİ (hasilat sənayesində şəffaflıq təşəbbüsü) üzrə qeyri-hökumət təşkilatları Koalisiyasının sədri Qubad İbadoğlu deyib.

"Şirkətlər bizim onlarla danışıqlar aprmağımıza hazır olmalıdır", - İbadoğlu bildirib. "Ölkə əhalisi neft-qaz müqavilələrindən əldə olunan gəlirlərin necə bölüşdürülməsini bilməlidir",  - o qeyd edib.

Koalisiya nümayəndələrinin sözlərinə görə, ölkənin neft-qaz sektoru ölkə iqtisadiyyatında böyük rol oynayır. Lakin gələcək illərdə hasilat həcminin azalması ilə əlaqədar olaraq, neft sektorunun həcmi azalacaq.

İbadoğlunun vurğuladığına görə, 2011-ci ildə Azərbaycanda neft hasilatı azalmağa başlayacaq. 2009-cu ildə bu göstərici ildə 420 mln.barel, 2010-cu ildə 450 mln.barel, 2011-ci ildə 410 mln. təşkil edəcək. 2015 - ci ildə Azərbaycanda neft hasilatı ildə 250 mln. barel, 2020 - ci ildə bu göstərici 110 mln. barel olacaq.

Azərbaycanın İqtisdi İnkişaf Nazirliyinin məlumatlarına görə, 2008-ci ildə Azərbaycanda neft hasilatı  52,131 mln.ton, 2009 - cu ildə 61,011 mln.ton, 2010 - cu ildə 63,395 mln. ton, 2011-ci ildə bu göstərici azalmağa başlayacaq və 62,804 mln.ton təşkil edəcək, - İbadoğlu qeyd edib.

2007-ci ildə ölkənin ümümdaxili məhsulunda (ÜDM) neft və qazın payı 58,8 faiz, dövlət büdcəsində 60,3 faiz, sərmayələrdə  50,5 faiz təşkil edib. "Ötən il ölkənin ixracatında neft və qazın payına 80,6 faiz düşüb, cari ildə bu göstərici  97,5 faiz olacaq", - İbadoğlu qeyd edib.  

Xəbər lenti

Xəbər lenti