Azərbaycan, Bakı, 04 oktyabr / Trend / їSentyabrın 1-nə olan məlumata görə, Xəzər Dənizi Neft Donanmasının balansında 365 gəmi (258 gəmi və yeddi üzən dok və emalatxana) varї, - donanmanın rəhbəri Mübariz Mədətov deyib.
Donanmanın balansında olan gəmilərin ümumi sayından 250-si istismardadır (onlardan 14-ü icarədə, 31-i təmirdə, 15-i təmir olunmalıdır, qalan yeddsi isə balansdan silinəcək).
їSu basımı 85,5 min ton olan bu gəmilərin ümumi dəyəri 553 mln. 442 min manat təşkil edirї, - Mədətov bildirib.
Yanvar-avqust ərzində donanmanın yük daşımalarının həcmi 372520 ton olub ki, bu da proqnozdan 24 faiz çoxdur.
їYanvar-avqustda neft donanmasının mədaxili 83 mln.manata çatıb ki, bu da proqnozdan 12,7 faiz çoxdur. Bu dövr ərzində dəniz nəqli xidmətindən əldə edilən gəlir 69 mln. manat təşkil edib ki, bu da proqnoz göstəricilərini 14 faiz üstələyibї, - o vurğulayıb.
Alyans və xarici
şirkətlərdən əldə olunan gəlirlər 19
mln.manatdan və ya donanmanın ümumi gəlirindən 27,6
faiz çox olub. Səkkiz ay ərzində balans gəliri 10,4
mln.manat səviyyəsində müəyyənləşib ki,
bu da proqnozlaşdırılan göstəricidən 45,9 faiz
çoxdur.
Yanvar-avqustda gəmilərin təmirinə təxminən 18 mln.manat
sərf edilib. Bu dövrdə 69 gəmi təmir edilib.
їBütün gəmilər registr dərəcəsini alıb. Təmir edilmiş gəmilərin ümumi həcmindən 46-sı öz müəssisələrində, qalan 23-ü başqa müəssisələrdə təmirdən keçibї, - Mədətov qeyd edib.