Azərbaycan, Bakı. 24 oktyabr/ Trend , müxbir E.İsmayılov/ "Azərbaycan enerji təhlükəsizliyi məsələlərini 100 faiz həll edib", - Azərbaycan prezidenti İlham Əliyev cümə günü andiçmə mərasimində bildirib.
"Bizim daxili və xarici siyasətimizin uğurlu realizəsi üçün enerji təhlükəsizliyi məsələləri öz həllini tapıb", - İlham Əliyev bildirib.
Onun sözlərinə görə, son beş ildə Azərbaycan qaz idxal edən ölkədən ixrac edən ölkəyə çevrilib. 2008 - ci ildə qaz hasilatı 20 mlrd. kubmetrdən çox olacaq.
"Bu gün biz özümüzü qazla təmin edir və onu digər ölkələrə ixrac edirik", - prezident bildirib.
İlham Əliyevin sözlərinə görə, 2008 - ci ildə Azərbaycanda neftin hasilatı 50 mln. tonu ötəcək. Azərbaycanın yeddi işlək neft - qaz boru kəməri var, - dövlət başçısı əlavə edib.
"Azərbaycanın enerji siyasəti ölkəyə iqtisadi müstəqillik qazandırıb", - prezident bildirib.
Müəlliflə əlaqə saxlamaq üçün elektron ünvan: [email protected]