2009 - cu ildə Türkiyəyə Azərbaycan qazının tədarükü konkret həcmə çatacaq

Azərbaycan, Bakı, 09 yanvar/ Trend / Azərbaycanın "Şahdəniz" yatağından hasil edilən qazın ümumi həcmindən bu il Türkiyəyə təqribən sutkada 18 mln. kubmetr mavi yanacaq ixrac olunacaq. Bu barədə hökumətdən bildiriblər.

2009 - cu il ərzində Türkiyə, qaz tədarükü üzrə müqavilədə göstərildiyi kimi, 6,6 mlrd. kubmetr qaz əldə edəcək.

Hazırda yataqdan sutkalıq qaz hasilatı 22 mln. kubmetrdir, fevralda onun beş mln. kubmetr artacağı gözlənilir.

"Şahdəniz" yatağının işlənməsinə dair müqavilə 1996 - cı il iyunun 4 - də imzlanıb. Layihə iştirakçıları bunlardır: BP (operator) -25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO- 9 faiz, SOCAR - 10 faiz. Bu yataqda ümumi qaz ehtiyatı 1,2 trln. kubmetr qiymətləndirilir.

Yataqda hasilata 2006 - cı ilin dekabrından başlanıb. Hazırda mavi yanacaq Cənubi Qafqaz boru kəmərilə Gürcüstan və Türkiyəyə nəql olunur. Azərbaycan da qaz alıcısı qismində çıxış edir.

Yatağın işlənilmə layihəsinin brinci mərhələsi çərçivəsində, ildə 8,8 mlrd. kubmetr qaz hasil ediləcəyi güman olunur. Bu həcm Azərbaycan, Gürcüstan və Türkiyəyə satılacaq.

Reallaşdırılmasına 2012 - ci ildə başlanacaq ikinci mərhələ çərçivəsində hasilat 20 mlrd. kubmetrədək artırlacaq. Bu mərhələdə qazın Avropa ölkələrinə nəqli nəzərdə tutulub.

Məqalə müəllifi ilə əlaqə ünvanı - [email protected]