Azərbaycan, Bakı, 30 yanvar/ Trend /
SOCAR (Azərbaycanın dövlət Neft Şirkəti) və Palmali Holdinqi Alyasının Türkiyənin Tekfen Holding-nə daxil olan Tekfen İnşaat tikinti şirkətində 50 faiz iştirak payı alması barədə danışıqlar sentyabra keçirilib, - neft bazarında vəziyyətlə tanış olan mənbə cümə günü bildirib. Hər iki tərəfin razılığı ilə danışıqlar təxirə salınıb.
Müqavilənin imzalanmasının və satınalma prosesinin yubanmasının əsas səbəbi beynəlxalq maliyyə böhranıdır.
"Əvvəllər tərəflər arasında saziş imzalansa da, satınalma müqaviləsi hələ bağlanılmayıb. Danışıqlar sentyabra keçirilib", - mənbə deyib. Saziş 520 milyon dollar qiymətləndirilir.
Əvvəllər bildirilirdi ki, Alyans beş il ərzində Tekfen İnşaat şirkətini 37 milyard dollar məbləğində işlərlə təmin etməyə imkan verəcək. İşlərə neft sektoru sahəsində bütün dünya üzrə tikinti daxildir. Tekfen qrupu neft emalı və neft - kimya obyektlərinin inşası və yaradılması üzrə işləri həyata keçirəcək.
Palmali ərzaq, tikinti sektorlarına, eləcə də səhiyyə, turizm, hava daşınmlarına sərmayə yatırır. Şirkətin xeyli sayda tanker donanması var və yaxın illərdə onun genişləndirilməsinə 1,3 milyard dollar sərmayə yatırmaq niyyətindədir.
SOCAR tərəfdaşları ilə birlikdə Türkiyədə ən böyük neft - kimya kompleksi Petkim-ə sahibdir. Şirkət onun genişləndirilməsinə beş milyard dollardan çox vəsait yatırmaq niyyətindədir.
Müəlliflə əlaqə saxlamaq üçün elektron ünvan: [email protected]