...

Gürcüstanda 36 mindən çox abunəçi işıqsız qalıb

Energetika Materials 23 Aprel 2009 18:08 (UTC +04:00)

Gürcüstan, Tbilisi, 23 aprel / Trend , müxbir N.Kirtsxaliya /

Gürcüstanın bir neçə regionunun əhalisi enerjisiz qalıb. "Enerqo-Pro Corciya" şirkətindən verilən məlumata görə, havanın qəflətən pisləşməsi səbəbindən bütün ölkə üzrə 36,3 min abunəçi işıqsız qalıb.

Region əhalisinin bir hissəsi hələ çərşənbə günü səhər güclü küləyin elektrik ötürücü xətlərini zədələməsi üzündən enerjisiz qalmışdı. Onların əksəriyyətinə axşama yaxın elektrik enerjisinin verilişi bərpa olunsa da, yenidən başlamış leysan səbəbindən yenə də dayandırılıb.

"Enerqo-Pro Corciya"da əmin edirlər ki, şirkətin mütəxəssisləri fövqəladə rejimdə işləyirlər və ən yaxın müddətdə işıqsız qalmış bütün abunəçilərə elektrik enerjisini verməyə çalışacaqlar.

Məqalə müəllifi ilə əlaqə ünvanı: [email protected]

Xəbər lenti

Xəbər lenti