Azərbaycan, Bakı, 08 may / Trend /
Yanvar-aprel aylarında SOCAR (Azərbaycan Dövlət Neft Şirkəti) və "Azəri-Çıraq-Günəşli" (AÇG) və "Şahdəniz" yataqlarını işlədən xarici şirkətlər tərəfindən Azərbaycana 4,1 milyard kubmetrdən çox qaz ötürülüb. Ötən ilin analoji dövründə bu rəqəm 3,5 milyard kubmetr olub", - SOCAR-ın cümə günü yaydığı məlumatda deyilir.
Dövlətə ötürülən qazın 2,3 milyard kubmetri SOCAR-ın, qalan 1,8 milyard kubmetri isə AÇG və "Şahdəniz" yataqlarının payına düşüb.
Apreldə dövlətə təxminən bir milyard kubmetr qaz ötürülüb ki, onun da 572 milyon kubmetri SOCAR-ın payına düşüb. Qalan 438 milyon kubmetri xarici şirkətlər ötürüb.
AÇG-dən əldə edilən səmt qazı pulsuz şəkildə SOCAR-a verilir. SOCAR-ın "Şahdəniz" yatağından aldığı qazın bir hissəsi şikrətin müqavilədəki pay iştirakına təsadüf edir, qazın qalan hissəsi isə şirkət tərəfindən alınır.
"Bu il SOCAR şirkəti özünün işlətdiyi yataqlardan əldə etdiyi yeddi milyard kubmetr qazı dövlətə təhvil verəcək", - şirkətin prezidenti Rövnəq Abdullayev bir müddət əvvəl deyib.
AÇG yatağında Bakı-Tbilisi-Ceyhan boru kəməri ilə nəql edilən Azeri Light neft növü, həmçinin səmt qazı hasil edilir.
Hazırda "Şahdəniz" yatağından sutkada 20-24 milyon kubmetr qaz hasil edilir. Bu il bu yataqdan 9 milyard kubmetrə yaxın qaz hasil edilməsi planlaşdırılır. Bu həcmələr Azərbaycan, Gürcüstan və Türkiyəyə satılacaq.