Azərbaycan, Bakı, 30 may / Trend müxbir E.İsmayılov/
"SOCAR şirkətinin "Azneftyağ" Bakı Neft-Emalı Zavodu bu il zavodun bütün tarixi ərzində rekord həcmdə - 220 min ton neft bitumu istehsal etməyi planlaşdırır", - zavodun direktoru Əkbər Hacıyev deyib.
Hacıyevin sözlərinə görə, 2007-ci ildə bitum istehsalının həcmi 180 min ton, 2008-ci ildə 200 min ton olub.
"Bitum istehsalının artırılması, ölkədəki tələbatın, xüsusilə də yol tikintisinin gedişi ilə əlaqədar artması ilə bağlıdır. İstehlak artdığı üçün biz onu artıq istehsal etməliyik", - Hacıyev deyib.
Azərbaycanda iki Neft Emalı Zavodu (NEZ) fəaliyyət göstərir. İki zavodun məcmu gücü - ildə 20 milyon tondur. NEZ-lər öz vəsaitləri hesabına dəniz və qurudakı yataqlardan əldə etdiyi ildə 7 milyon ton nefti emal edən SOCAR-ın tərkibinə daxildir.
Yanvar-aprel aylarında bu NEZ-lərdə 2 milyon ton neft emal edilib. Ötən ilin analoji dövründə bu rəqəm təxminən 2,5 milyon ton olub.
Məqalə müəllifi ilə əlaqə ünvanı: [email protected]
