Azərbaycan, Bakı, 23 iyun / Trend ? müxbir İ.Xəlilova /
Azərbaycanın Zygon Caspian Consalting (ZCC) konsaltinq şirkəti BP Azerbaijan şirkəti ilə menecment sahəsində treninqlərin keçirilməsi barədə memorandum imzalayıb, çərşənbə axşamı şirkətin baş direktoru Natiq Ağa-zadə bildirib.
"Biz sentyabrda BP Azerbaijan ilə danışıqlara başlamışıq. Qeyd olunan şirkət memorandumu imzalamazdan öncə bizim tərəfimizdən həyata keçirilmiş layilərin monitorinqini keçirib və bu il ümumi layihənin istiqamətlərinin dəqiqləşdirilməsi ilə sənədin imzalanması baş tutub", - Ağa-zadə deyib.
Memorandum BP şirkətinin "Əhaliyə sərmayə" proqramı çərçivəsində kənd təsərrufatı podratçılarına İSO və beynəlxalq standartların idarəsinin keyfiyyət sisteminin standartları sahəsində treninqlərin keçirilməsini nəzərdə tutur.
Memorandum iyulun 1-dən qüvvəyə minir və birinci mərhələ 2010-cu il iyunun 30-na qədər başa çatacaq. Ümumilikdə, BP ilə əməkdaşlıq üç il müddətinə nəzərdə tutulub.
BP Azərbaycanın neft-qaz layihələri üzrə böyük xarici podratçıdır.
Məqalə müəllifi ilə əlaqə ünvanı:[email protected]
