Azərbaycan, Bakı, 14 avqust / Trend , müxbir E. İsmayılov /
ARDNŞ (Azərbaycan Respublikası Dövlət Neft Şirkəti) Xəzərin Azərbaycan hissəsindəki "Ümid" perspektivli qaz strukturunda ilk kəşfiyyat quyusunun qazılmasına başlayıb. Bunu cümə günü ARDNŞ-dəki mənbə deyib. Şirkət strukturu şəxsi vəsaiti hesabına müstəqil işləməyi planlaşdırır.
ARDNŞ Azərbaycanda qaz hasilatının həcmini artırmaq məqsədilə Xəzərdə axtarış-kəşfiyyat işləri aparır.
"Strukturda qazma işləri artıq başlayıb və işlər normal gedir", - mənbə deyib.
Quyunun layihə dərinliyi 6500 metrdir. Plana əsasən, bu il təxminən 4000 metr qazılması planlaşdırılır.
Bir müddət əvvəl ARDNŞ "Ümid-1" platformasının inşasını başa çatdırıb. Bu platformada kəşfiyyat quyusunun qazılması həyata keçirilir. "Ümid-1" platforması tikilib başa çatdırılmamış "Çıraq-6" platformasının bazasında yaradılıb. "Çıraq-6" proqram çərçivəsində ən iri obyektdir. Onun hündürlüyü 72 metrdir. Platforma 58 metr dərinlikdəki "Bulla-dəniz" yatağının 15 km-də yerləşir. Ümumilikdə platformada 6 qaz quyusunun qazılması planlaşdırılır.
"Ümid" perspektivli strukturunda təxmin edilən qaz ehtiyatı 300 milyard kubmetr civarında quymətləndirilir. Ehtimal edilən qaz-kondensat ehtiyatı 30-40 milyon ton həcmindədir.
Məqalə müəllifi ilə əlaqə ünvanı: [email protected]
