Azərbaycan, Bakı, 17 avqust / Trend /
"Rusiyanın LUKOYL şirkəti ilin birinci yarısında 48,6 milyon tondan çox neft hasil edib. Ötən ilin analoji dövründə bu rəqəm 47 milyon ton olub", - şirkətin rəsmi saytında yerləşdirilən məlumatda deyilir.
Məlumatda qeyd olunur ki, yanvar-iyul aylarında şirkət tərəfindən Rusiya ərazisində təxminən 46 milyon ton neft əldə edilib. Ötən ilin analoji dövründə bu rəqəm 44,3 milyon ton olub. Beynəlxalq layihələr çərçivəsində LUKOYL tərəfindən üç milyon tona yaxın neft hasil edilib. Ötən ilin analoji dövründə bu rəqəm 2,6 milyon tona bərabər olub.
2009-cu ilin birinci yarısında şirkətin orta sutkalıq neft hasilatı iki min barel, qaz hasialtı isə neft ekvivalentində 239 min barel olub.
LUKOYL şirkəti Azərbaycanın "Şahdəniz" qaz-kondensat yatağının işlənməsi üzrə layihənin iştirakçısıdır. "Şahdəniz" yatağının işlənməsinə dair müqavilə 1996-cı il iyunun 4-də imzalanıb. Layihə iştirakçıları bunlardır: BP (operator) - 25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO - 9 faiz, ARDNŞ - 10 faiz. Bu yataqda ümumi qaz ehtiyatı 1,2 trln. kubmetr həcmində qiymətləndirilir.
