Qazaxıstan, Astana, 25 sentyabr / Trend , müxbir K.Konırova /
Azərbaycan hələ ki, öz qazının Qazaxıstan ərazisindən Çinə nəql edilməsi məsələsinə baxmır. Layihəyə baxmaq üçün Qazaxıstan tranzit tariflərini verməli, Çin isə kommersiya təklifi etməlidir. Bu barədə cümə günü ARDNŞ-nin yüksək vəzifəli nümayəndəsi deyib.
Azərbaycan qazının "Qazaxıstan-Çin" boru kəməri ilə nəql edilməsi təklifi "KazMunayQaz" Qazaxıstan milli şirkətinin prezidenti Kairgeldi Kabıldinin ARDNŞ prezidenti Rövnəq Abdullayevlə görüşü zamanı edilib.
Qazaxıstan nümayəndələrinin dediyinə görə, Azərbaycandan qaz nəqli Xəzərin dibindəki boru kəmərləri ilə həyata keçirilə bilər. ARDNŞ nümayəndəsinin sözlərinə görə, Azərbaycan sualtı boru kəmərlərinin bərkidilməsində böyük təcrübəyə malikdir, buna görə də bu layihənin reallaşması tamamilə mümkündür.
Əgər boru kəməri toxunulmazlıq hüququna sahib olarsa, bu zaman Xəzərin statusunun həll edilməmiş qalması da heç bir rol oynamayacaq.
Cində qaza olan tələbat 1990-cı ilin ortalarında daha da artıb. 1995-ci ildə qaz istehlakı 17,7 milyard kubmetr təşkil edib. BP-nin məlumatına görə, 2009-cu ildə qaza olan tələbat 80,7 milyard kubmetr təşkil edib ki, bu da 2007-ci ilə olan tələbatdan 15,8 faiz çoxdur.
Azərbaycan qazının Qazaxıstan üzərindən nəqli "Qazaxıstan-Çin" boru kəməri ilə həyata keçirilə bilər.
"Qazaxıstan-Çin" boru kəməri ilə ilk buraxılış bu il dekabrın 16-da baş tutacaq. Bu boru kəmərinin inşası cari ilin iyul ayında başlayıb. İnşaatın başa çatması və qaz tədarükü 2010-cu il iyun ayına planlaşdırılır. İlkin buraxılış gücü ildə 4,5 milyard kubmetr qaz təşkil edir. Sonrakı mərhələlərdə boru kəmərinin ikinci xəttinin istismara verilməsi və yeddi kompressor stansiyasının tikilməsi hesabına buraxılan qazın həcmi artacaq. 2013-cü ilin sonunda il ərzində maksimal qaz tədarükü 40 milyard kubmetr təşkil edəcək. Onlardan ildə 30 milyard kubmetr Çinin, 10 milyard kubmetr isə Qazaxıstanın ehtiyaclarına yönəldiləcək.
Məqalə müəllifi ilə əlaqə ünvanı: [email protected]
