Azərbaycan, Bakı, 17 oktyabr / Trend /
Yanvar-sentyabr aylarında Azərbaycan "Şah Dəniz" yatağından təxminən 843,5 milyon kubmetr qaz əldə edib, bu göstərici 2008-ci ilin analoji dövründə 1,7 milayrd kubmetr təşkil edib, ARDNŞ-dən bildirilib.
Bu dövr ərzində əldə olunan qazın ümumi həcminin 383,8 milyon kubmetrini ARDNŞ-in "Şah Dəniz" layihəsində iştirak payı təşkil edir. Qalan hissə isə - bu yataqdan əldə olunan təxminən 459,7 milyon kubmetr qaz ARDNŞ tərəfindən alınıb.
"Şah Dəniz" yatağının işlənməsinə dair müqavilə 1996-cı il iyunun 4-də imzlanıb. Layihə iştirakçıları bunlardır: BP (operator) -25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO- 9 faiz, ARDNŞ - 10 faiz. Bu yataqda ümumi qaz ehtiyatı 1,2 trln. kubmetr həcmində qiymətləndirilir.
Hazırda qaz Gürcüstan və Türkiyəyə Cənubi Qafqaz qaz kəməri ilə nəql olunur. "Şah Dəniz" layihəsinin işlənməsinin I Mərhələsi çərçivəsində 2009-cu ildə 7,2 milyard kubmetr qaz hasil ediləcək.
Bu yatağın işlənməsinin II Mərhələsi çərçivəsində hər il 20 milyard kubmetrə kimi qazın hasil edilməsi planlaşdırılır.
