Azərbaycan, Bakı, 25 noyabr / Trend , müxbir M. Əliyev/
Yaponiya höküməti ətraf mühitin müdafiəsi üzrə layihələrdə Azərbaycanla əməkdaşlıq etmək niyyətindədir, Yaponiyanın Azərbaycandakı səfiri Masamitsu Oki Trend Trend -a deyib.
Onun sözlərinə görə, layihələr Azərbaycanda günəş, külək enerjisi istehsalını, torpağın çirklənmədən və şoranlaşmadan təmizlənməsi məsələlərini əhatə edəcək.
"Yaponiya və Azərbaycan arasında ticarət dövriyyəsi ötən il 350 milyon dollar təşkil edib, lakin mən əminəm ki, bu həcm hər il artacaq", - səfir deyib.
Səfir qeyd edib ki, hazırda Yaponiya Azərbaycanın elekrik təchizatının yaxşılaşdırılması üzrə iki böyük layihdə iştirak edir. "Yaponiya investorları Azərbaycanın 10 rayonunda su təchizatı və kanalizasiya sisteminin yaxşılaşdırılmasına 300 milyon dollar vəsait ayırıb", - Oki əlavə edib.
Məqalə müəllifi ilə əlaqə ünvanı: [email protected]
