PremiumAİ-nin 27 ölkəsində Euro-super 95 markalı avtomobil benzininin qiymətinin icmalı (25 yanvar-1 fevral)

Azərbaycan, Bakı, 06 fevral / Trend , müxbir A.Bədəlova/

Ötən həftə ərzində (25 yanvar-1 fevral) Avropanın 27 ölkəsində Euro-super 95 markalı benzinin orta qiyməti min litrə 1256 avro (ƏDV daxil) təşkil edib ki, bu da əvvəlki həftədə olan orta qiymətdən 1 avro aşağıdır. Benzinin qiymətinə dair statistik məlumatlar Avropa Komissiyasının rəsmi saytında öz əksini tapıb.

Ötən həftə ərzində Avropa ölkələri arasında Euro-super 95 markalı benzinin ən yüksək qiyməti Niderlandda müşahidə olunub. Ötən həftənin yekunlarına görə, bu ölkədə həmin markalı benzinin qiyməti 8 avro azalaraq min litrə 1429 avro təşkil edib.

Bu markalı benzinin ən aşağı orta qiyməti Bolqarıstanda müşahidə olunub. Bu ölkədə ötən həftənin yekununa görə orta qiymət dəyişilməz qalaraq min litrə 946 avro təşkil edib. Euro-super 95 markalı benzinin qiymətinin yüksəkliyinə görə ikinci yerdə duran ölkə Danimarkadır. Bu ölkədə ötən həftəyə görə həmin markalı benzinin qiyməti min litrə 1375 avro təşkil edib, bundan əvvəlki həftədə isə bu göstərici min litrə 1394 avro təşkil etmişdi.

Finlandiyada Euro-super 95 markalı benzinin dəyəri ötən həftəyə görə səkkiz avro azalaraq min litrə 1360 avro təşkil edib.

Ötən həftə ərzində həmin markalı benzinin qiymətinə görə dördüncü yeri tutan Almaniyada qiymət min litrə 1331 avro təşkil edib. Budan əvvəlki həftədə Almaniyada qiymət min litrə 1339 avro təşkil etmişdi.

Ötən həftə Euro-super 95 markalı benzinin qiymətinə görə beşinci yeri tutan İtaliyada qiymət min litrə 1312 avro təşkil edib. Bundan əvvəlki həftədə isə İtaliyada həmin markalı benzinin qiyməti min litrə 1313 avro təşkil etmişdi. Portuqaliyada həmin markalı benzinin qiyməti 16 avro azalaraq min litrə 1310 avro təşkil edib.

Ötən həftə ərzində Euro-super 95 markalı benzinin qiymətinə görə yeddinci yeri tutan Belçikada qiymət 12 avro artaraq min litrə 1305 avro təşkil edib.

Ötən həftə ərzində Fransa Euro-super 95 markalı benzinin qiymətinə görə səkkizinci yeri tutub. Bu ölkədə qiymət 4 avro azalaraq min litrə 1293 avro təşkil edib.

Böyük Britaniyada Euro-super 95 markalı benzinin qiyməti ötən həftə ərzində min litrə 1279 avro təşkil edib. Bundan əvvəlki həfrə Britaniyada qiymət 1275 avro təşkil etmişdi.

Avropa ölkələri arasında Euro-super 95 markalı benzinin qiymətinin yüksəkliyinə görə onuncu yeri İrlandiya tutub. Bu ölkədə qiymət bundan əvvəlki həftəyə nisbətən dəyişilməz qalaraq min litrə 1244 avro təşkil edib.

Avropanın 27 ölkəsində Euro-super 95 markalı benzinin qiymətinin (vergilər daxil olmaqla) müqayisə cədvəli: