Azərbaycan, Bakı, 24 fevral / Trend /
Sumqayıtda bərk məişət tullantıları poliqonunda 1,2 meqavatt gücündə elektrik enerjisi istehsal oluna bilər. Bu barədə Sumqayıt şəhər İcra Hakimiyyətinin yaydığı məlumatda bildirilir.
Qeyd olunur ki, həmçinin zavodda 30 min kubmetr metan əldə etmək mümkündür. Bu metandan elektrik enerjisinin istehsalında istifadə oluna bilər.
Şəhər ərazisində toplanan bərk məişət tullantıları poliqonda yerləşdirilir. Poliqonda 10 hektar ərazi tamamilə hamarlanaraq torpaqla örtülüb, 5 hektarda isə müasir standartlara cavab verən yeni poliqon tikilir.
