Azərbaycan, Bakı, 16 aprel /Trend, müxbir E.İsmayılov/
2010-cu ilin 2-ci yarısında ARDNŞ (Azərbaycan Respublikası Dövlət Neft Şirkəti) "avro-3" standartlarına cavab verən benzin buraxmağı planlaşdırır. Bunu ARDNŞ-in emal üzrə vitse-prezidenti David Məmmədov cümə günü Xəzər-Avropa İnteqrasiya İşçi Klubunun üzvləri ilə görüşdə deyib.
"Benzin üzrə "avro-3" standartlarına keçid 2013-cü ilin ikinci yarısına planlaşdırılır. Lakin bu proses tez də qurtara bilər", - Məmmədov deyib.
Onun sözlərinə görə, dizel yanacağı istehsalı üzrə "avro-3" standartlarına keçid 2012-ci ildə planlaşdırılır, lakin bu müddət də tezləşdirilə bilər.
Azərbaycanda mövcud olan iki neft emalı müəssisəsində "avro-4" və daha yüksək standartlarda yanacaq istehsal etmək mümkünsüzdür, çünki zavodlarda azad sahələr yoxdur; həmçinin böyük kapital qoyuluşu tələb edir. Ona görə də daha yüksək standartlara cavab verən yanacaq istehsalı yaradılması ARDNŞ tərəfindən yeni neft-kimya komlpeksində həyata keçiriləcək.
