Azərbaycan, Bakı, 6 avqust /Trend, müxbir E.İsmayılov/
ARDNŞ Xəzərin Rusiya sektorunda yerləşən "Sarmatskaya" perspektiv strukturunda mühəndis-geoloji işləri aparır. Bu barədə ARDNŞ-dəkı mənbə deyib.
"Hazırda geoloqlar tərəfindən strukturda mühəndis işləri görülür. Xüsusilə, mühəndis-geoloji qazma işi görülür", - mənbə bildirib.
Onun sözlərinə görə, xidmətlər, Xəzərin Rusiya sektorunda yerləşən perspektiv strukturlarda işlərin görülməsini nəzərdə tutan cari il üçün bağlanan saziş çərçivəsində aparılır. Bunların arasında "Rakuşeçnoe", "Sarmatskoye", "Korçagin" və digər strukturlar var. Saziş çərçivəsində işlər bu ilin sonunadək fasilələrlə həyata keçiriləcək.
ARDNŞ mütəmadi olaraq kommersiya əsasında bağlanan sazişlər əsasında digər Xəzəryanı ölkələrə xidmətlər göstərir.
Neft-qaz sahəsində geoloji və geofiziki işlərin aparılması ilə ARDNŞ-in Geologiya və Geofizika İdarəsi məşğul olur. İdarə həm quruda, həm də dənizdə axtarış xidmətləri göstərir.
