Azərbaycan, Bakı, 10 avqust /Trend, müxbir E.İsmayılov/
Xəzərin Azərbaycan sektorunda "Azəri-Çıraq-Günəşli" yataq blokunun operatoru olan bp ARDNŞ-ə 1,7 milyard kubmetr səmt qazı verib. Bu barədə bp-nin rəsmi hesabatında deyilir. Səmt qazı AÇG-nin işlənməsi çərçivəsində ARDNŞ-ə əvəzsiz verilir.
Hesabatda deyildiyinə görə, bu dövrdə ARDNŞ-ə verilən səmt qazının orta sutkalıq həcmi 9,5 milyon kubmetr təşkil edib.
"2010-cu ildə bp şirkəti tərəfindən AÇG layihəsi çərçivəsində, ümumilikdə, ARDNŞ-ə 1,9 milyard kubmetr səmt qazının verilməsi planlaşdırılıb", - bp-nin rəsmi hesabatında qeyd olunur.
2009-cu ildə ARDNŞ-ə planlaşdırılan 1,45 milyard kubmetr əvəzinə, dörd milyard kubmetrə yaxın qaz verilib.
"Azəri-Çıraq-Günəşli" layihəsinin iştirakçıları aşağıdakılardır: bp (operator - 34,1367 faiz iştirak payı), "ChevronTexaco" (10,2814 faiz), ARDNŞ (10 faiz), INPEX (10 faiz), "Statoyl" (8,5633 faiz), "ExxonMobil" (8,006 faiz), TPAO (6,75 faiz), "Devon Energy" (5,6262 faiz), "Itochu" (3,9205 faiz), "Delta Hess" (2,7213 faiz).
