Qazaxıstan, Astana, 7 dekabr /Trend, müxbir A.Maratov/
"QazMunayQaz" Milli Şirkətində (QMQ) neft-qaz layihələrində pay inkişafı üzrə Azərbaycan və Norveçin təcrübəsini öyrənmək niyyətindədir. Bu barədə çərşənbə axşamı "QazMunayQaz" SC-nin baş direktoru Serikbek Yelşibekov "KazEnergy" Qazaxıstan Neft-Qaz Şirkətləri Assosiasiyasının Koordinasiya Şurasının Qazaxıstanın neft-qaz layihələrində payının artırılmasına həsr edilən növbəti iclasında çıxışı zamanı deyib.
"Norveçin bu məsələdə uğuru vacib tədqiqat proqramlarına söykənərək, xarici və yerli şirkətlər arasında tərəfdaşlığı dəstəkləyən dövlət siyasəti sayəsində baş verib", - Yelşibekov bildirib.
Onun sözlərinə görə, bu ölkədə elmi-tədqiqat və təcrübi-konstruktur işlərinin inkişafına yeraltı istifadəçilər illik büdcələrinin iki faizini və ölkə ərazisində azı 50 faiz həcmini xərcləməlidirlər.
"Azərbaycana gəldikdə, bu respublikanın vətəndaşları qanuna əsasən, neft-qaz ixracı fəaliyyətinə cəlb edilən işçilərin ümumi sayının 80 faizini təşkil etməlidir", - şirkətin baş direktoru deyib.
Onun sözlərinə görə, şirkət rəhbərliyi tərəfindən Qazaxıstanın payının artırılması üçün addımların atılmasına baxmayaraq, 2010-cu ildə QMQ-nin törəmə şirkətlərində Qazaxıstanın payı ötən illərə nisbətdə nəzərəçarpacaq dərəcədə azalıb.
Yelşibekov çıxışında Qazaxıstanın payının artırılması üçün dil həddinin tətbiq edilməsi, daha dəqiq desək, dövlət və ya rus dili bilikləri üzrə sınaqların keçirilməsi zəruriliyindən danışıb.
