Azərbaycan, Bakı, 17 may /Trend, müxbir E.İsmayılov/
Yanvar-martda "Şahdəniz" qaz-kondensat yatağından 1,84 milyard kubmetr qaz və 0,4 milyon ton (3,1 milyon barelə yaxın) kondensat əldə edilib. Bu barədə BP şirkətinin (yatağın işlənməsi layihəsinin operatoru) hesabatında deyilir.
Birinci rübdə yataqda orta sutkalıq hasilat 20,4 milyon kubmetr qaz və 34,4 min barel kondensat təşkil edib.
Ötən il yataqda orta sutkalıq hasilat 19 milyon kubmetr qaz və 40,2 min barel kondensat təşkil edib.
Bu il layihə çərçivəsində əməliyyat xərclərinin 169,9 milyon dollar, əsaslı xərclərin isə 791,6 milyon dollar səviyyəsində olacağı gözlənilir. Yanvar-martda layihə üzrə əməliyyat xərcləri 47,9 milyon dollar, əməliyyat xərcləri isə 125,8 milyon dollar səviyyəsində olub.
2006-cı ilin sonundan ("Şahdəniz"də hasilata başlanan vaxtdan) cari ilin birinci rübünün sonunadək dünya bazarlarına 52,9 milyon barel kondensat (6,7 milyon tona yaxın) göndərilib.
Yataqda ən yüksək hasilatın 8,6-9 milyard kubmetr həcmində olacağı güman edilir. Proqnozlara əsasən, yatağın işlənməsinin ikinci mərhələsi çərçivəsində burada qaz hasilatının ildə 24 milyard kubmetrədək artırılacağı gözlənilir.
"Şahdəniz" yatağının ehtiyatları 1,2 trilyon kubmetr qaz həcmində qiymətləndirilir.
"Şahdəniz" yatağı üzrə müqavilə 1996-cı il iyunun 4-də imzalanıb. Müqavilə iştirakçıları bunlardır: BP (operator) - 25,5%, Statoil - 25,5%, NICO - 10%, Total - 10%, LukAgip - 10%, TPAO - 9%, ARDNŞ - 10%.