Azərbaycan, Bakı, 26 may /Trend, müxbir E.İsmayılov/
İyun-iyul aylarında ARDNŞ "Azəri-Çıraq-Günəşli" layihəsində 1,6 faizlik iştirak payının alınması üzrə proseduru başa çatdırmağı planlaşdırır. Bu barədə cümə axşamı ARDNŞ prezidenti Rövnəq Abdullayev deyib.
Onun sözlərinə görə, şirkət Britaniyanın BP şirkətindən əvvəllər layihədə iştirak edən və öz aktivlərini Azərbaycanda satan "Devon" şirkətinin 3,29 faizlik payını alır.
"Alış proseduru uzun prosesdir və şirkət bu prosesi yayda başa çatdırmağı planlaşdırır", - Abdullayev bildirib.
2010-cu ildə "Devon" özünün "Azəri-Çıraq-Günəşli"dəki 5,63 faizlik payını layihə üzrə tərəfdaşlarına - BP (3,29 faiz), "Chevron" (0,99 faiz), "Inpex" (0,96 faiz) və "Itocu" (0,38 faiz) şirkətlərinə satıb.
"Azəri-Çıraq-Günəşli" yataqlar blokunun səhmdarları bunlardır: BP (operator - 37,43%), "Chevron" (11,27%), AzAÇG (10%), "Inpex" (10,96%), "Statoil" (8,56%), "Exxon" (8%), TPAO (6,75%), "Itochu" (4,3%), "Hess" (2,72%).
2010-cu ildə "Azəri-Çıraq-Günəşli" yatağında 40,6 milyon ton neft hasil edilib. Bu göstərici 2009-cu ildə 40,3 milyon ton olub. 2010-cu ildə bu yataqlar blokunda sutkalıq orta hasilat 823,1 min barel təşkil edib.