...

ARDNŞ Yunanıstanın DEPA qaz konserninin özəlləşdirilməsində iştirak imkanlarına baxır

Energetika Materials 15 İyul 2011 14:10 (UTC +04:00)

Trend-i buradan izləyin

Azərbaycan, Bakı, 15 iyul /Trend, müxbir E.İsmayılov/

ARDNŞ Yunanıstanın qaz konserni DEPA-nın özəlləşdirilməsində iştirak imkanlarını nəzərdən keçirir. Trend-in məlumatına görə, bu barədə cümə günü ARDNŞ prezidenti Rövnəq Abdullayev deyib.

Onun sözlərinə görə, DEPA özəlləşdirmə üçün tam açıqdır və ARDNŞ yunan şirkətinin imkanlarını və aktivlərin alınmasının iqtisadi baxımdan məqsədəuyğunluğunu öyrənir.

"Bu, Dövlət Neft Şirkətinin maraqlarına və iqtisadi baxımdan məqsədə uyğun olsa, ARDNŞ DEPA-da iştirak payı almağa hazırdır", - Abdullayev qeyd edib.

Onun sözlərinə görə, hazırda həm Avropada, həm də də dünyanın digər yerlərində çoxlu sayda aktivlər satışa çıxarılıb, lakin ARDNŞ hansısa aktivlərin alınması məsələsinə yalnız onun şirkətin strateji maraqlarına uyğun olduğu halda nəzərdən keçirə bilər.

Hazırda Azərbaycan qazı Yunanıstana Türkiyənin BOTAŞ şirkəti tərəfindən təkrar ixrac edilir. Gözlənilir ki, Azərbaycan və Türkiyə arasında tranzit sazişi imzalanandan sonra Azərbaycan qazı Yunanıstana birbaşa tədarük ediləcək.

Yunanıstanın DEPA şirkətinin özəlləşdirilməsi prosesinə rəsmən başlanması artıq bu yay gözlənilir. Özəlləşdirmənin 2011-ci ilin sonunda başa çatdırılması planlaşdırılır. Yunanıstan hökuməti mayın 23-də özəlləşdirmə proqramını bəyənib. Proqram ölkə xəzinəsinə 2015-ci ilədək 50 milyard avro gətirməlidir. Bu proqramın qəbul edilməsi beynəlxalq kreditorların (Aİ və BVF gələcək kredit dəstəyi üçün şərtlərdən biridir.

Hazırda DEPA-da dövlət payı 65 faiz təşkil edir. Qalan 35 faiz "The Hellenic Petroleum SA" şirkətinə məxsusdur. Özəlləşdirmə nəticəsində DEPA şirkətində dövlət payı 34 faizədək azaldılacaq.

Əvvəllər DEPA sədri Harri Saçinis Trend-ə demişdi ki, şikət ARDNŞ-nin özəlləşdirmə prosesində iştirakını alqışlayır.

Xəbər lenti

Xəbər lenti