Azərbaycan, Bakı, 12 dekabr /Trend, müxbir E.İsmayılov/
Yanvar-noyabrda ARDNŞ (Azərbaycan Respublikası Dövlət Neft Şirkəti) ötən ilin müvafiq dövrü ilə müqayisədə dövlət büdcəsinə ödənişləri 13 faiz artırıb. Trend-in məlumatına görə, bu barədə bazar ertəsi şirkətin yaydığı məlumatda deyilir.
ARD dövlət büdcəsinə 1,21 milyard manat köçürüb ki, bu da ötən ilin analoji dövr göstəricisindən 139,3 milyon manat çoxdur.
Neft Şirkətinin noyabrda dövlət büdcəsinə ödənişləri təxminən 128,08 milyon manat təşkil edib ki, bu da 2010-cu ilin eyni dövrünün göstərcisinə nisbətən 16,8 faiz çoxdur.
Yanvar-noyabrda ARDNŞ Dövlət Sosial Müdafiə Fonduna 128,83 milyon manatdan çox vəsait ödəyib. Bu, ötən ilin müvafiq dövrü ilə müqayisədə 4,75 milyon manat (3,8 faiz) çoxdur. Noyabrda bu göstərici təxminən 11,18 milyon manat təşkil edib.
Dekabrın 12-nə olan rəsmi məzənnə 0,7864 AZN/USD təşkil edir.
