Azərbaycan, Bakı, 20 dekabr /Trend, müxbir E.İsmayılov/
Şirvan şəhərinin qaz təchizatında məhdudiyyətlər olacaq.
Aparılan təmir-bərpa işləri ilə əlaqədar 21 dekabr 2011-ci il tarixdə saat 10:00-dan 17:00-dək Hacıqəhrəmanlı ölçü qovşağında qaz təchizatı dayandırılacaq.
Trend-in çərşənbə axşamı ARDNŞ-yə istinadən yaydığı məlumata görə, təmir işləri aparılan müddətdə Şirvan şəhərinin bir hissəsinin, eləcə də Hacıqəhrəmanlı qəsəbəsinin qaz təchizatında məhdudiyyətlər olacaq.