...

Azərbaycan və İran arasında yeni elektrikötürücü xətlərin istismara verilmə tarixi açıqlandı

Energetika Materials 17 Sentyabr 2014 18:12 (UTC +04:00)

Azərbaycan, Bakı, 17 sentyabr /Trend, müxbir Elmira Tariverdiyeva/

Azərbaycan və İran arasında yaxın 6 ay ərzində Parsabad-İmişli yüksək gərginlikli elektrikötürücü xətlərin (EÖX) tikintisi başa çatacaq və nəticədə iki ölkə arasında enerji mübadiləsi 600 meqavatadək artacaq.

Trend-in "Mehr News" agentliyinə istinadən verdiyi məlumata görə, bu barədə bu gün İranın energetika naziri Həmid Çitçiyan və Azərbaycanın iqtisadiyyat və sənaye naziri Şahin Mustafayev arasında keçirilmiş görüşdə bəhs edilib.

Tərəflər görüşdə energetika sahəsində əməkdaşlığın genişləndirilməsi, EÖX-lərin tikintisi, bərpa olunan enerji mənbələri üzrə layihələrdə iştirak, iki ölkə arasında elektrik enerjisinin verilişi üzrə güclərin artırılması məsələlərini müzakirə ediblər.

Bundan başqa, həmin gün İran energetika nazirinin müavini Huşəng Fəlahətiyanla görüşü olub.

Görüşdən sonra H.Fəlahətiyan deyib ki, yeni Parsabad-İmişli EÖX yaxın 6 ay ərzində istismara veriləcək.

Məqalədə:
Xəbər lenti

Xəbər lenti