Azərbaycan, Bakı, 19 sentyabr /Trend, müxbir Emil İsmayılov/
Proqnozlara əsasən, 2014-cü ildə Azərbaycanda 41,2 milyon ton neft və 28,8 milyard kubmetr qaz hasil ediləcək.
Trend-in məlumatına görə, bunu Azərbaycan Respublikası Dövlət Neft Şirkətinin (ARDNŞ) prezidenti Rövnəq Abdullayev hakim Yeni Azərbaycan Partiyasının saytına müsahibəsində deyib.
ARDNŞ-nin məlumatına görə, ötən il Azərbaycanda 43,48 milyon ton neft və 29,46 milyard kubmetr qaz hasil olunub.
Onun sözlərinə əsasən, yanvar-avqust aylarında ölkədə 28,6 milyon ton neft, 20,4 milyard kubmetr qaz çıxarılıb. Hasil olunmuş neftin 5,6 milyon tonu, qazın isə 5 milyard kubmetri ARDNŞ-nin payına düşüb.