Azərbaycan, Bakı, 21 iyul /Trend/
Abşeron və Qazax magistral qaz kəmərləri sahələrində cari təmir işləri aparılacaq.
Trend SOCAR-ın saytına istinadən məlumat verir ki, iyulun 22-də saat 10:00-dan 18:00-dək "Qaz İxrac" İdarəsinin Abşeron Magistral qaz kəmərləri sahəsinin "Nardaran", "Bolqarıstan", "Maştağa" və "Albalı", Qazax Magistral qaz kəmərləri sahəsinin "Semzavod" Qazpaylama stansiyalarında, eləcə də bəzi ölçü qovşaqlarında cari təmir işləri aparılacaq.
Təmir müddətində Qazax rayonunun Qazaxbəyli, Aşağı Salahlı, Orta Salahlı, Daş Salahlı və Kosalar kəndlərinin qaz təchizatında məhdudiyyətlər olacaq. Aparılan işlərin Sabunçu rayonunun Maştağa, Nardaran və Xəzər rayonunun Albalı qəsəbələrinin bəzi hissələrinin qaz təchizatına təsir göstərməsi də mümkündür.