Bakı. Ləman Zeynalova - Trend:
2021-ci ildə Azərbaycanda maye karbohidrogen hasilatı 0,02 milyon barel/sutka artaraq orta hesabla 0,75 milyon barel/sutka təşkil edəcək.
Trend bu barədə OPEC-in aylıq hesabatına istinadən məlumat verir.
Eyni zamanda, 2022-ci ildə proqnozlara əsasən, hasilat 0,07 milyon barel artaraq 0,82 milyon barel/sutkaya bərabər olacaq.
Hesabatda qeyd olunur ki, 2021-ci ilin sentyabr ayında Azərbaycanda maye karbohidrogenlərin hasilatı ötən ilin eyni dövrü ilə müqayisədə 0,04 milyon barel artaraq 0,72 milyon barel/sutka təşkil edib. Əvvəlki ayla müqayisədə isə hasilat 0,02 milyon barel/sutka azalıb:
"Ümumilikdə, neft hasilatı avqust ayı ilə müqayisədə 10 min barel/sutka azalaraq orta hesabla 586 min barel/sutka, kondensat hasilatı isə cüzi artaraq 117 min barel/sutka təşkil edib. İyun ayında 618 min barel/sutka həcmində illik maksimuma çatdıqdan sonra Azərbaycanda xam neft hasilatı azalır".
Twitter: @Lyaman_Zeyn
(Tərcümə: Orxan Nəbiyev)