Azərbaycanın neft qiymətlərinin həftəlik İCMALI

Bakı. Trend:

Bu həftə ərzində "Azeri Light CIF", "Azeri Light FOB Ceyhan" və "Dated Brent" markalı neftin orta qiymətləri artıb.

Trend xəbər verir ki, Azərbaycanda “Azəri–Çıraq–Günəşli” yatağında hasil edilən "Azeri Light CIF" markalı neftin orta qiyməti ötən həftə ilə müqayisədə 2.62 ABŞ dolları və ya 4,1 faiz artaraq bir barel üçün 66.16 ABŞ dolları təşkil edib.

Həftə ərzində ən yüksək qiymət bir barel üçün 66.62 ABŞ dolları, minimal qiymət isə 65.71 ABŞ dolları olub.

Türkiyənin Ceyhan limanında FOB bazasında Azeri Light markalı neftin orta qiyməti bir barel üçün 64.04 ABŞ dolları təşkil edib ki, bu da ötən həftə ilə müqayisədə 2.62 ABŞ dolları və ya 4.3 faiz çoxdur. Həftə ərzində maksimal qiymət 64.53 ABŞ dolları, minimal qiymət isə 63.64 ABŞ dolları olub.

"Urals" markalı neftin orta qiyməti əvvəlki həftə ilə müqayisədə 2.13 ABŞ dolları və ya 6.7 faiz artaraq bir barel üçün 34,14 ABŞ dolları səviyyəsində olub. Həftə ərzində ən yüksək qiymət 34.62 ABŞ dolları, minimal qiymət isə 33.66 ABŞ dolları təşkil edib.

"Dated Brent" markalı neftin orta qiyməti bir barel üçün 63,02 ABŞ dolları olub ki, bu da əvvəlki həftə ilə müqayisədə 2.11 ABŞ dolları və ya 2,8 faiz çoxdur. Həftə ərzində bu markalı neftin maksimal qiyməti 63.52 ABŞ dolları, minimal qiyməti isə 62.46 ABŞ dolları təşkil edib.

Qeyd edək ki, 25-26 dekabr Böyük Britaniyada qeyri-iş günləri (Milad bayramı ilə əlaqədar) olunduğundan, həmin tarixlər üzrə göstəricilər dərc olunmayıb.